朱智賢被整蠱失平衡跌倒 疑似男友謝東閔咪後狂嘲笑

謝東閔 (Brian）近日喺劇集《企業強人》飾二世祖Vincent，同姜大衞嗰場父子對峙戲爆喊，簡直係演技大爆發，被封最慘二世祖。好彩喺現實生活中嘅謝東閔就唔受呢啲苦，而且同拍拖多年女友朱智賢（Ashley）鬼咁甜蜜，雖然早前因搬屋關係，曾傳出過呢對情人分手，其實二人感情更加大躍進。

謝東閔近日喺劇集《企業強人》飾二世祖Vincent，簡直係演技大爆發。

朱智賢疑被謝東閔整蠱，搞到佢失平衡跌倒。
朱智賢一有時間就會上載生活點滴片段同大家分享，最近佢上載咗一條爆笑短片，背景有把男人聲疑似係謝東閔。首先畫面見到朱智賢企於正在充電嘅座駕尾部，充電槍緊接住車尾電箱，然後把男聲就話：「喂，壞咗喎，掹唔到喎。」

朱智賢起身之後，想衝上前打對方！
朱智賢一臉不耐煩話：「成日都冇鬼用，小小嘢都做唔到﹗」繼而將腳撐到車身借力，雙手意圖將充電槍用力拔出，點知呢個時候枝槍輕易鬆脫，令朱智賢好似失平衡向後倒地，緊接一把好似男友謝東閔嘅恥笑聲出現，仲要係笑到好誇張，幸好見朱智賢冇乜大礙，仲立刻彈起身衝向鏡頭方向，想出手打對方。朱智賢寫道：「以後唔好叫我幫你做任何嘢，呢啲唔係叫小器，叫狼來了 ，求心理陰影面積。」好友林子善亦有留言：「唔好信呢個男人講嘢，佢次次都話掹唔到㗎。」無論短片係惡搞定真有其事都好，睇得出兩人相處嘅日常好甜蜜，同埋最緊要係跌倒冇受損傷。

謝東閔同拍拖多年女友朱智賢鬼咁甜蜜。