黃翠如鬆身裙遮肚掩孕味滴酒不沾 傳與蕭正楠造人成功獲恭喜

黃翠如同胡鴻鈞（Hubert）呢日出席一個美容儀宣傳活動時，因不時用手或美容儀遮住肚仔，加上祝酒時滴酒不沾，惹來有喜疑雲。

黃翠如不時用手或美容儀遮住肚仔，加上祝酒時滴酒不沾，惹來有喜疑雲。
翠如同老公蕭正楠結婚6年，一向相當恩愛，大家好期待佢哋嘅愛情結晶來臨，咁啱近月42歲翠如網上貼相都係著鬆身衫，令佢有喜傳聞越嚟越似成真，問到翠如可以恭喜佢未？佢收起過往搞笑回應，反而變得慎言表示：「係咪我肥咗，我檢討吓。呢個問題都問過好多次，對我嚟講係上天安排係緣份，好感謝傳媒朋友嘅關心同祝福。」並再三強調係上天安排。

近月42歲翠如網上貼相都係著鬆身衫，令佢有喜傳聞越嚟越似成真。
翠如近年戲劇作品相當之少，之前佢參演嘅《黑色月光》即將播出，佢已準備好投入宣傳工作，呢部作品楊茜堯同姐姐楊卓娜戲裡都係兩姊妹，劇中經常鬧交，同現實關係相差甚遠，翠如話好得意，特別喺拍攝時見到佢哋鬧交就好似睇住人哋嘅家事咁，現實中兩姊妹其實好有愛。

翠如同老公蕭正楠結婚6年，一向相當恩愛，大家好期待佢哋嘅愛情結晶來臨。
另外，Hubert近日有新作推出，首次試Rap歌路線，佢話收到demo時都有考慮歌迷會否抗拒，因為同佢以往作品截然不同，但又想趁自己仲可以有新嘗試時，即管試多啲，希望帶畀觀眾耳目一新感覺。