大灣仔網上合體開直播 網友急求再拍新節目

曾一齊參加過內地綜藝《披荊斬棘的哥哥》同《大灣仔的夜》嘅 張智霖 ，日前喺社交平台貼出佢同 陳小春 謝天華 梁漢文 同 林曉峰 嘅視像對話合照，仲問大家幾時再見面，當日又喺社交平台直播，令網上一片哄動。

Chilam日前突然曝光大灣仔嘅「合照」
2021年佢哋同其他男藝人一齊參加《哥哥》演出而成為好友，又組隊出賽同其他隊伍競爭，令佢哋喺內地更為人識。因為節目爆紅嘅幾位成員，隔年再以大灣區哥哥姿態參演另一節目，以香港特色大排檔形式，邀請嘉賓一齊分享心事，又會現場獻唱。
因為「哥哥」發展出嘅 大灣仔節目令成員爆紅

乘網絡分享之勢，幾位成員之後更發展到齊齊登台開騷，風頭超勁。今次Chilam公開視像畫面，就令唔少網友都急問係咪會重組拍攝新節目，或者會有新表演會同大家見面喇。

之後仲紅到外地舉行演唱會