宋慧喬相隔7年訪台美貌依舊 為活動忍口中文叫「餓死了」

參演《黑暗榮耀》冷酷角色再次大受歡迎嘅 宋慧喬 日前應邀到台灣出席活動，相隔7年再次訪台嘅佢，以一身白色短裙現身，大騷美腿。呢日為護膚品牌宣傳嘅佢仲一早做足準備，唔止以最靚狀態出現，仲特別忍口出席活動前飯都唔食住。

宋慧喬多年後再訪台，吸引大批傳媒同嘉賓爭相到場
因為曾拍攝 吳宇森導演嘅《太平輪》，所以呢日佢都以中文同大家打招呼，仲爆笑話忍住肚餓所以「餓死了」，非常搞笑，仲話收工後一定要好好品嚐唔同台灣美食呀。
呢日因為出活動忍口嘅佢，仲以中文搞笑話「餓死了」

雖然宋慧喬入行多年，而主持曾寶儀亦係佢嘅Fans，有機會超近距離接觸女神嘅佢，仲大讚對方凍齡又皮膚好，氹到佢不知幾開心，又即場分享自己嘅保養心得。因參與《黑暗榮耀》傑出表現而獲得青龍獎榮譽，可惜於劇中飾演佢母親嘅 朴志雅 ，30號突然傳出因腦出血而離世消息，終年52歲。

喺《黑暗榮耀》中飾演佢母親嘅朴志雅，30日突因腦出血離世