劉德華萬尺高空航機內1打12 彭順1比1複製A380高空危機

劉德華 監製兼主演 彭順執導 高空犯罪電影《危機航線》10月10號就會喺港澳正式上映，10月1號起放映優先場。新片講述於萬呎高空上，一架A380豪華客機遭騎劫陷入險境，國際保安專家劉德華以身犯險出擊，同劫匪鬥智鬥勇，營救女兒同全體乘客。

《危機航線》以原比例真實重現A380機艙拍攝
一眾演員日前喺北京首映禮為新片造勢，導演彭順把片中嘅A380豪華客機以一比一比例搭建，俾演員同觀眾更多真實感。片中飾演國際保安專家嘅華仔，指片中有非常密集嘅打鬥動作戲，要1打12感覺仲非常爽，佢拍攝前亦要一直排練，因為每場打戲嘅方式同技巧都唔同咁話。而同樣要受動作場面考牌嘅屈楚蕭，今次邪氣反派形象令人印象深刻，佢又指：「Mike壞的程度很難把握，人物的髮型、右手的傷疤、手指沒有指甲等細節都代表了Mike的過往，也給了他表演的支撐。」
監製兼主演劉德華扮演一名保安專家，拯救全機乘客同愛女

張子楓亦談及由緊張到和解嘅父女關係：「我認為她並不是真的恨爸爸，心裡是渴望得到爸爸的陪伴的，只是出於自我保護，所以嘴上不說。」；至於劉濤飾演嘅傅源，喺危機時刻全力保護愛女：「這場危機對這一家人來說是不可抗拒的磨難，但來自家人的愛和守護讓他們得以克服艱險。」

仲要喺空中同12名悍匪搏鬥