吳浩康親解澳洲Busking之謎 旅程重遇音樂人老友邀合作出新歌

吳浩康 同唱作歌手 Kiri T 呢晚擔任一個嘉年華嘅表演嘉賓，阿Deep早前飛到澳洲Busking，惹嚟質疑有錢買機票嘅疑問，阿Deep呢日解釋澳洲之行係跟教會到當地出席佈道會，中途先臨時決定做Busking。

Deep呢日為一個鐵路活動演出

Deep透露此行認識唔少移民當地嘅港人，希望以歌聲一解佢哋思鄉之情，聽完佢嘅演出大家都表演得好滿足令佢好有成功感。
早前佢隨教會到澳洲，仲臨時決定Busking表演

Deep承認目前嘅經濟同工作狀況已經大有改善，仲籌備緊資金同埋人手，有計劃明年推出新歌，而澳洲之行佢亦重遇一位音樂人，更誠邀對方參與新歌創作，時機到就會公布係邊一位合作夥伴，希望新歌可以喺農曆年後推出。
佢又指近來工作同經濟情況都大有改善

而新歌以佢呢個年紀嘅男士為主題，但佢承諾會趕工為囝囝創作歌曲，更定下目標喺囝囝入讀幼稚園前作好。