賭城大亨外父過世Lisa S神隱 吳彥祖回憶相處深帶感激

早前先同 老友 馮德倫 一齊參與時裝周，之後又一齊返港，再同舒淇 一齊重現當年《美少年之戀》經典嘅 吳彥祖 ，2002年起同Lisa S拍拖8年，兩人2010年於南非結婚。近年Daniel同太太 Lisa S 仲有囡囡Raven於美國生活，Daniel發展賽車事業、Lisa則投入馬術發展，兩人間中拍攝唔同節目，生活非常寫意。

Daniel同Lisa婚後育有一女，近年定居美國
不過Daniel突然於社交平台公佈，曾任職賭城娛樂集團多年嘅主席外父 Gary Selesner 9月初離世，終年70歲，當地傳媒當時亦大肆報道。不時都會分享生活片段嘅Lisa，近個半月都未有更新社交平台。估計由Daniel代表向外界發佈噩耗。
今日佢突然發文，哀悼上月初離世嘅外父

Gary任職娛樂業近半世紀，深得同業愛戴

據知Gary任職酒店娛樂業近半世紀，最近20年就為凱撒皇宮集團擔任領導工作。Daniel指早於同Lisa拍拖初期已認識Gary，多年來耳聞目睹對方深受同事同業界尊重。佢又話Gary工餘最愛唔同美食同旅行，當中無數有趣行程都令人難以忙懷，而佢對家人嘅關懷亦無出其右。Daniel又提到本來一直打算以外父嘅退休生活作參考，又感謝外父將自己融入家中。

Daniel同Lisa早年曾到訪外父主管嘅度假村