郭富城答謝歌迷《您》MV加入珍貴回憶 首本名曲《對你愛不完》推出迄今34年

郭富城為咗答謝歌迷30多年嚟嘅支持，早前舉行嘅演唱會，就以親自創作嘅歌曲《您》送畀歌迷，配搭舞台上從天而降嘅30幅；由佢親筆所寫嘅「您」字，場面令歌迷相當感動。

城城為歌迷創作嘅《您》近日推出MV，加入好多同歌迷間嘅珍貴回憶

城城早前提筆親寫數十個「您」，感激大家對自己嘅支持

城城最近仲將《您》呢首歌，以演唱會片段同相片剪輯而成MV，同歌迷一齊回憶多年來嘅精彩動人時刻。加上近日係城城經典熱爆歌曲《對你愛不完》推出34周年，城城回首於樂壇嘅多年經歷，就更認為一直支持自己奮力向前嘅歌迷係最大推動力喇。

日前亦係名曲《對你愛不完》面世34年嘅日子

城城對多年來受盡大家愛戴心存感激