吃貨橫掃港深珠｜吃貨女神梁凱晴又食又巡舖 客人獲優惠價嘆高質Omakase及西餐

由5位吃貨女神包括彭慧中、林秀怡、梁凱晴、梁超怡、廖慧儀主持嘅《吃貨橫掃港深珠》，主力介紹美食，為推動留港消費飲食，節目組同眾多人氣餐廳合力推廣優惠，務求令觀眾可以食得更平又享受到高質素食物。

吃貨女神再走訪曾介紹嘅唔同餐廳
吃貨成員梁凱晴喺宣傳片中標榜勤力食勤力巡舖，親自踩落幾間食店同食客傾吓偈，首先去到一間日式Omakase，見到新鮮魚生真係大滿足，客人表示平日食一餐Omakase一千元或以上都走唔甩，但呢餐因為有吃貨憑証優惠，半價就可以食得好滿足，有席上嘅外籍及日本人都大讚呢個食物質素有咁優嘅價錢好抵食。
於《吃貨》推出過優惠嘅餐廳大受觀眾歡迎

除咗介紹日式食物之外，又有高級西餐，眼見客人置身一間具有歴史文物背景嘅餐廳共美食佳餚，加上買一送一優惠，唔少食客都話令佢減少北上搵食念頭，會選擇多啲留港搵食。西餐廳老闆Eric話自從優惠推出後，反應熱烈，幾乎日日都爆場。

各位想獲得更多更正優惠，記得留意 星期一至五晚22:30 嘅《吃貨橫掃港深珠》喇。