劉兆銘罕有現身公開活動 周日93歲精神飽滿與後輩合照

嚟梗星期日（13號）就係劉兆銘（Ming Sir）93歲生日，近年因身體出現毛病須以輪椅代步嘅Ming Sir，亦不乏其風趣幽默性格，笑言雖然周身病痛，好彩個腦無事，所以就侷住用腦多啲。

Ming Sir近年因身體出現毛病須以輪椅代步。
正如Ming Sir所講，平日多用腦嘅佢雖然年將93歲，仍然非常精靈。近年深居簡出嘅佢日前罕有現身公開活動，着西裝戴花花呔嘅Ming Sir精神飽滿，敖嘉年仲把握機會同大前輩合照，見到坐喺輪椅嘅Ming Sir微笑和藹可親，另一張合照，Ming Sir拎住枴杖搭住焦媛膊頭企喺簽名板前影相。

Ming Sir近年深居簡出，日前罕有現身公開活動，着西裝戴花花呔嘅Ming Sir精神飽滿。Ming Sir喺演藝圈德高望重，深受後輩敬重，晚輩如劉青雲、黃秋生同吳鎮宇等不時會相約Ming Sir聚會，而高志森去年初時與焦媛探望Ming Sir時，就話三人傾足三個半鐘，仲大讚Ming Sir思路清晰兼口齒伶俐。

高志森去年初時與焦媛探望Ming Sir時，傾足三個半鐘，仲大讚Ming Sir思路清晰兼口齒伶俐。

Ming Sir喺演藝圈德高望重，深受後輩敬重，晚輩如劉青雲、黃秋生同吳鎮宇等不時會相約Ming Sir聚會。