直播靈接觸‧添食丨思浩派黃紫恩韓國台灣搵靈異題材 採訪巫師拍絕密片段！

上一輯《直播靈接觸》收視唔錯，引起唔少熱話，連紅衣女鬼同黑白無常都大受觀眾歡迎，呢日「村長」梁思浩聯同黃紫恩（Jojo）及黃耀英宣布節目再添食開拍第二輯，村長思浩感謝一班村民咁支持。

「村長」梁思浩宣布節目再添食開拍第二輯。
為咗帶畀觀眾更震撼嘅話題同畫面，村長喺新一輯已派咗Jojo去韓國同台灣為大家搜集更多靈異題材，呢啲畫面係未曾喺電視機或網上睇過，村長坦言係好難拍，而Jojo亦預告採訪巫師，剛巧當日有啲法事可以影埋，成功取得絕密珍貴片段。

Jojo亦預告採訪巫師，剛巧當日有啲法事可以影埋，成功取得絕密珍貴片段。
Jojo與攝製隊喺拍攝時亦遇上靈異經歷，「瀨嘢」要第一時間搵村長求救，思浩指係有啲同事試過拍外景後出咗啲問題，佢都好樂意幫忙。

上一輯《直播靈接觸》收視唔錯，引起唔少熱話，連黑白無常都大受觀眾歡迎。