胡歌現身韓國頒獎禮難掩魅力 與老友林依晨齊封視帝視后

2024年度《亞洲內容暨全球OTT大獎》日前喺韓國釜山國際電影節舉行期間舉辦頒獎典禮，亞洲各地影視紅星都有出席。內地劇集《繁花》獲得「最佳原創」大獎，而男主角演員胡歌更憑此劇榮獲今屆男主角，當胡歌出場時更引嚟唔少歡呼聲，可以魅力沒法擋。

《不夠善良的我們》團隊。

至於女主角獎就由林依晨憑《不夠善良的我們》奪得，依晨同劇集團隊，包括同樣憑劇集入圍男配角獎嘅柯震東、獲得「最佳原創歌曲」獎嘅蔡健雅等，一齊浩浩蕩蕩行紅地氃。韓文系畢業嘅依晨，更喺致辭時大騷韓文，又趁機會同老朋友胡歌聚舊。

胡歌憑《繁花》榮獲今屆男主角。林依晨憑《不夠善良的我們》奪得女主角獎。

另外，憑台劇《想見你》收穫一眾韓國粉絲嘅柯佳嬿就以評審身份現身典禮，同佳嬿一齊頒發大獎嘅仲有日本影帝西島秀俊。而吳慷仁、林柏宏、宋芸樺，李沐、安宰弘、三吉彩花、柳成龍亦有出席盛事。

柯佳嬿就以評審身份現身典禮。