陳家樂37歲生日曬愛女Camila睡姿 冧爆留言「睇個勢似係嗌爸爸先」

今日（12號）陳家樂37歲生日，陳家樂早前忙於開工，最近返港休息，當然要抽時間陪愛女陳星頤（Camila），家樂今早喺IG曬出自己同阿女睡姿笑指係一模一樣，仲話睇個勢似係嗌爸爸先。

家樂今早喺IG曬出自己同阿女睡姿笑指係一模一樣。
老婆連詩雅（Shiga）早前出活動嗰陣就封家樂係「神隊友」，Camila出世後冇再成日打機，有幫手湊BB，Shiga亦喺IG動態貼出一張朦朧嘅相，隱約見到Shiga攬住老公，並寫道：「Happy Birthday Love❤️」

Shiga喺IG動態貼出一張朦朧嘅相，隱約見到Shiga攬住老公。

陳家樂與Shiga約埋好友一齊食飯。

對於個個都話Camila好似爸爸陳家樂，連詩雅曾「不滿」：「明明就似我（個眼同嘴根本就同我一樣）。」
而家樂就曬出同B女一齊瞓覺嘅相，見阿女喺家樂旁邊，二人都係舉高手瞓得好稔，家樂幸福留言：「最好嘅生日禮物🎁多謝陳太，日日都lum（冧）死，佢瞓覺學足我，佢個勢似會叫爸爸先！」確係有女萬事足！

陳家樂生日稱女兒係最好禮物。

連詩雅今年7月誕下女兒，陳家樂更化身「神隊友」幫手湊BB。