一口秀怡貼地一步一腳印入行16年月薪幾千變老闆業主

為《吃貨橫掃港深珠》擔任主持嘅林秀怡早前被拍檔封為「一口秀怡」，又指佢係節目中嘅性感擔當，雖然節目已經播完，不過佢嘅生鬼反應快就令唔少觀眾都留低深刻印象。

秀怡不論節目內外都係吃貨一枚
入行已經16年嘅秀怡，近年除咗演戲之外，亦先後加入《流行都市》、《獎門人感謝祭》等唔同節目擔任主持，出身基層嘅佢，17歲就加入藝員訓練班，投身演藝行業撐起自己同家人生活。

近年佢仲成為獎老之一
藝訓班畢業之後秀怡曾分別參演多部劇集演出，好似《怒火街頭2》嘅單親媽媽、增肥25磅拍《女人最痛》、《是咁的，法官閣下》、《婚姻合伙人》，仲有早前播畢嘅《再見．枕邊人》等等，由路人角色慢慢發展到重要配角。自然又不拘小節敢於醜化自己嘅演出，獲唔少觀眾大讚，秀怡過往接受受訪問時，曾提到初入行月薪不足以糊口，需兼職幫補家計，又曾為患病母親傾盡所有積蓄。