夏于喬與《我的少女時代》宋芸樺撞樣 現身釜山常被認錯鬧出笑話

夏于喬、楊貴媚主演嘅新戲喺今年金馬獎入圍8個獎項，夏于喬出道超過20年首度入圍金馬，爭奪影后寶座，而曾國城入圍男配角獎項，影后楊貴媚入圍女配角獎等。

夏于喬同楊貴媚有份演出嘅新片入圍金馬多項提名
公佈入圍名單當日，導演率領劇組現身釜山電影節，喬喬同媚姐就重演收到喜訊嘅爆笑情景，二人本來行紅地毯冇拎手機，當導演畀佢哋睇有關入圍嘅報道，喬喬同媚姐當場尖叫。
早前佢哋齊齊頂釡山出席電影節

而喬喬一向被指同《我的少女時代》宋芸樺撞樣，早前電影《我的少女時代》喺韓國吸納咗唔少粉絲，喬喬喺韓國至少被3個粉絲認錯係宋芸樺鬧出笑話，其中一個粉絲仲拎住照片想搵佢簽名。

夏于喬喺當地仲被誤認為宋芸樺