「性感小野馬」泫雅出嫁龍俊亨 曾與DAWN相戀7年為愛出走

曾與同門師弟 DAWN 相戀近7年；仲因為認愛同時自當時公司出走，之後又公開定婚消息嘅「韓國性感小野馬」 泫雅 ，前年11月底突然宣佈雙方分手嘅消息，隔年初又繼續網上互動，正當外界以為呢對任性戀人將復合時，結果DAWN就公開澄清指雖然視泫雅作為結婚對象，不過送戒指就並非有意求婚。

泫雅同DAWN曾愛得痴纏，仲因認愛而同公司解約出走

當時一張戒指相仲令外界認為佢哋會開花結果

年初認愛龍俊亨嘅泫雅12號正式成婚
相隔一年之後，泫雅去年初同相識十多年嘅好友 龍俊亨 相戀，7月時仲公佈婚訊，指10月就會正式成婚，而星期六網上就流出兩人結婚一眾親友觀禮嘅相片喇。

7月宣佈婚訊嘅泫雅同龍俊亨，12號喺親友見證下正式成婚
泫雅手持花球以一身由多朵白色花組成嘅露肩短裙式婚紗，挽住爸爸嘅手步入會場，而龍俊亨就身穿白色西裝，之後互相讀出誓詞同交換結婚戒指，然後手牽手一直帶笑，接受在場親友祝賀。

一對新人親吻對方後正式結為夫婦