無窮之路4丨陳貝兒見碼頭塞滿求醫貧民 感觸和平方舟為當地居民帶來希望

台慶專題紀錄片《無窮之路IV-一帶一路》今晚（13日）將播出第二集，主持陳貝兒（Janis）帶大家繼續探索第一批加入「一帶一路」嘅非洲國家馬達加斯加。
馬達加斯加西南部漁港—圖利亞拉。
Janis同攝製隊首站去到馬達加斯加西南部漁港—圖利亞拉，圖利亞拉雖然靠海，但由於呢度冇海水化淡廠，加上馬達加斯加南部多年旱災，導致當地病童中有三分一都經常腹瀉同有寄生蟲，原因係當地缺乏乾淨嘅食水。
而家村民就可以喺村口就拎到乾淨嘅食用手。而家村民就可以喺村口就拎到乾淨嘅食用手。
2021年時，一間中國企業受圖利亞拉市政府委託，幫全市開拓水源及重鋪所有失修嘅地下水管，Janis此行就拜訪項目代表王鵬志，談及興建時遇到最大嘅問題，佢表示：「那個系統始建於上世紀，當時政府亦沒有給出明確的圖則，政府可能說這地方可能埋有管道，但挖下去可能是沒有的，有些地方可能一挖，下面全是（海）水，還得再抽乾。」最終僅用咗一年多時間更新咗全市嘅水管，然後喺村口、大街起咗大量嘅供水站，令七萬多人喺村口就可以拎到清潔嘅食水。
9號國道9號國道
除咗重建供水系統，佢哋仲喺馬達加斯加援建道路，Janis第二站帶大家去到最新建成嘅馬達加斯加全國最長國道「9號國道」，呢個亦係中國和馬達加斯加嘅重大合作項目，亦係當地投資額最多、工程量最大嘅中國項目。Janis走訪正在興建嘅「芒谷齊跨谷大橋」，呢度周圍都長滿象徵住馬達加斯加嘅獨特樹種「猴麵包樹」，隨便一棵樹嘅樹齡都超過1,000年，甚至5,000年！

正在興建嘅「芒谷齊跨谷大橋」，周圍都長滿象徵住馬達加斯加嘅獨特樹種「猴麵包樹」。隨便一棵樹嘅樹齡都超過1,000年，甚至5,000年！
而最後一站，攝製隊就去到馬達加斯加北部嘅安齊拉納納港，迎接中國海軍「和平方舟號」。「和平方舟」係全球第一艘超過一萬噸嘅大型專業醫療船，十幾年嚟去過40幾個國家，免費為當地人民提供專業醫療救援。
中國海軍「和平方舟號」「和平方舟」係全球第一艘超過一萬噸嘅大型專業醫療船。碼頭迫滿等看病嘅人。
船上嘅醫護人員主要嚟自中國海軍軍醫大學，有內科、外科、婦科、骨科、傳染科等三十幾個專科，而醫療設備就相等於內地三甲醫院嘅水準。「和平方舟」到訪當日，碼頭迫滿等看病嘅人，大家都因為窮而冇錢睇病，只好喺度希望得到醫治嘅機會，Janis感觸表示：「呢度嘅人好渴求睇醫生，佢哋可能病咗好耐，但係因為冇錢去睇醫生，好感動呢艘船帶住希望飄洋過海嚟到呢度，帶畀呢度居民一個治療嘅希望。」
船上嘅醫護人員主要嚟自中國海軍軍醫大學。
船上有唔少專科。