香港男神劉俊謙反攻韓國有市場 單人匹馬化身信一會韓國影迷

《九龍城寨之圍城》票房爆紅，仲威到運機場都重置當中嘅場景俾旅客打卡。而身為新生代男神嘅「信一」 劉俊謙，最近就逆輸出反攻韓國市場，除咗獲邀出席運動品牌活動之外，仲同韓國男神 朴敘俊 首度同框。

劉俊謙唔止台灣、香港都有唔少工作，近日仲應邀到韓國出席活動
劉俊謙更單人匹馬代表電影《九龍城寨》喺韓國出席映前謝票活動，「信一」以型爆皮褸牛仔褲造型，貫徹角色嘅不霸風格。劉俊謙雖然韓文係有限公司，不過都一早學定自我介紹，即時引來在場粉絲尖叫。劉俊謙之後再以廣東話分享電影拍攝難忘事，但係戲院內嘅影迷一樣聽得好投入，活動上佢亦親自為幸運影迷送上紀念品同一齊Selfie。
之後又現身《城寨》嘅謝票場，大受韓國觀眾歡迎

為咗歡迎香港男神訪韓，當地Fans亦為佢準備歡迎嘅蛋糕，上面仲印有電影中嘅信一造型。電影將會喺10月16號於韓國上映，而早喺7月時電影獲選為韓國富川電影節嘅閉幕電影﹐當時韓國傳媒已對劉俊謙相當關注，是關佢之前喺《梅艷芳》中飾演一代巨星張國榮。呢次劉俊謙再度訪韓，韓國傳媒更以「香港明星」、「香港帥哥」嘅封號形容佢，仲對佢識入鄉隨俗派心心相當滿意。

當地Fans仲為佢送上蛋糕
《城寨》下星期就會於當地正式上映

另外電影喺影展上映時加入城寨四少嘅煞科彩蛋，見到張文傑眼淺爆喊，唔知韓版上映會唔會再為韓迷加送額外漏網片段呢！