王丹妮新戲化身女消防員半空扮鎮定 余香凝廖子妤姊妹演CP一秒入戲

王丹妮 余香凝 兩位高妹齊齊整裝靚靚出席時尚活動，兩位貴為影壇新貴片約不斷， 王丹妮 喺近日公映嘅香港首部災難片中，化身英勇嘅消防員，為求演得逼真拍攝，佢亦要接受連串消防員特訓，其中仲有超高難度嘅半空繩索訓練，要喺20層樓咁高嘅半空度爬繩索，Louise都話諗返起都驚，仲話當時因為見同戲拍檔 廖子妤 比自己更驚，所以唯有扮鎮定，瞬間爬上繩索，唔想多諗希望快速完成任務﹐解除恐懼。

王丹妮喺戲中飾演消防員。
而Louise亦期待囡囡入場見證佢戲中英勇嘅一面，仲希望遠喺澳洲修讀脊嘅老公 羅孝勇 返港放假時可以親自讚下自己呀。

同場嘅余香凝啱啱完成咗同廖子妤以及《骨妹》導演 徐欣羨 再次合作嘅新片，今次已經係佢哋相隔8年再次合作，Jennifer都話回憶返晒黎，記得當年佢同余香凝處於前路茫茫時期，未知會否有下一套戲拍，而今次合作完全放低擔心投入演出。
余香凝同廖子妤扮演同性CP。
呢次Jennifer同Fish扮演一對同性CP，因為現實中兩人係好閨密，所以拍起親密戲大家都係瞬間入戲，余香凝仲講笑話拍Kiss戲前一定要食大蒜整蠱對手呀。

講到下月就係佢同圈外老公結婚4周年，可惜因為將出埠拍新戲，所以Jennifer好希望老公有表示，可以直接飛到當地送驚喜，最完美嘅就係喺拍攝完成後，緊接去埋家族旅行咁話。