胡杏兒為大仔Brendan辦7歲生日派對 二仔Ryan開心與昆蟲親密接觸

胡杏兒與老公Philip於2015年結婚，婚後四年抱三，育有是大仔李奕霆（Brendan）、二仔李奕霖（Ryan）以及細仔李奕宏（Liam），大仔Brendan眨吓眼7歲啦！杏兒為寶貝仔舉行生日Party，以警察為派對主題，一班小朋友身穿制服到場，可愛又精靈！不少圈中好友帶小朋友出席派對，好似陳敏之、陳展鵬、單文柔、雨僑、羅力威及林子善等。

杏兒為寶貝仔Brendan舉行生日Party
杏兒為阿仔嘅生日派對安排咗魔術表演，又精心準備兩棲爬蟲，等小朋友可以同小動物有親密接觸，而杏兒二仔Ryan一向迷戀昆蟲、爬行類及海洋生物，Ryan呢日同爬蟲玩得非常開心。杏兒好開心寫道：「咁就七歲了！！ 🎂多謝大家出席Brendan 嘅生日party，大家都玩得好開心！」

杏兒二仔Ryan一向迷戀昆蟲、爬行類及海洋生物。

不少圈中好友出席派對，好似陳敏之、陳展鵬、單文柔、雨僑、羅力威及林子善等。一班小朋友身穿制服到場，可愛又精靈！杏兒安排咗小朋友最鍾意睇嘅魔術表演。胡杏兒與老公2015年結婚，四年抱三！婚後亦相當恩愛。杏兒為阿仔準備靚靚蛋糕。阿仔拎住好大支氣球槍！杏兒同老公非常愛錫阿仔。爸爸同阿仔一齊參與表演。一班小朋友開心圍埋一齊食嘢。