慎入丨郭柏姸拍外景美腿慘遭集體蹂躪 Post事後相：第一次完全唔想見人

重要嘅事講三次，但係 郭柏姸 就足足講咗六次，佢喺社交平台出post，就寫住「慎入！慎入！慎入！慎入！慎入！慎入！很辣眼睛的一堆相」。

擁有一雙美腿嘅郭柏姸日前慘遭告劫

兩隻腳都佈滿比蚊蟲叮咬嘅赧，見到都覺得痕
Rosita分享咗幾張成對腳都佈滿紅點嘅相，又解釋點解美腿被毁：「 森林的蚊子果然很毒辣，依家睇返都有啲係起雞皮。」佢回想應該係早前於郊外拍劇時要跪喺地下而成，當時不以為然，但係返到廠之後就發現整對腳狀況都慘不忍睹。又話當時覺得前所未有嘅恐怖，更令佢有「第一次完全唔想見人」感覺。

整對腳都可以話傷痕纍纍
唔少藝人朋友都紛紛慰問

不過人美心善嘅Rosita又話：「辛苦晒當時一直喺我身邊拍攝的人們，令到你哋隻眼好痕，唔好意思，幸好現在我的腿回復正常了。」呢次Rosita貼嘅相確係非常嚇人，而唔少朋友都留言關心問候，包括高海寧、龔嘉欣同袁偉豪等等，Rosita仲叮囑阿Ben如果帶「袁咕碌」去玩要加倍小心呀。

Rosita指自己已經康復，大家唔使太擔心