黃智雯尼泊爾作慈善探訪 聽人口販賣苦主經歷感震驚

黃智雯 早前跟隨慈善團體到尼泊爾慈善探訪，出發前Mandy做足準備，除咗帶齊日用品之外，亦準備自己健康嘅體魄，因為整個行程都好緊密，出發前Mandy預先注射咗兩支疫苗同埋服食平安藥，行程中就多飲水，將自己嘅身體狀態保持做好。

黃智雯早前隨慈善團體往尼泊爾探訪
Mandy又話同行嘅工作人員好互相照顧，雖然途中都有發生小意外，但佢覺得係令成個旅程更豐富同有意義。呢次探訪之旅令Mandy相當難忘，除咗可以親身了解當地人生活苦況之外，佢哋遭遇亦令自己好震驚，好似當中一位媽媽因為想賺多啲錢供養小朋友讀書，誤信咗中介被賣往科威特打工，但換嚟被當地僱主囚禁同虐待。
Mandy又同當地朋友一齊跳舞

Mandy話聽住對方嘅經歷，比睇戲更戲劇性，亦令佢明白人口販賣仍然係好嚴重，奪走好多家庭嘅自由、幸福同希望。雖然當地人面對唔少生活問題，Mandy好欣賞佢哋好識得苦中作樂，精於跳舞嘅Mandy亦同當地中學生共舞，仲着上當地民族服，Mandy話自己平時着泳衣都係一件頭，今次就被佢哋嘅熱情影響着露臍裝跳舞。

當地唔少居民都因為貧窮而衍生大量生活問題