蔣家旻婚後享受二人世界 計劃兩年後生B盼第一胎生女

34歲蔣家旻（Angel）上個月與男友周永基喺日本輕井澤舉行婚禮，透露同老公識咗差唔多10年，拍拖近兩年就喺澳洲註冊結婚，蔣家旻噚日接受電台訪問時表示仍未習慣被叫「周太」，佢話暫時想享受二人世界，兩年之後先造人，希望第一胎生女。

蔣家旻噚日接受電台訪問時表示兩年之後先造人，希望第一胎生女。
鮮有公開談論另一半嘅蔣家旻，喺節目大讚老公充滿責任感，同時給予佢足夠嘅安全感：「安全感係嚟自於佢講得出做得到，唔會口甜舌滑，婚後佢嘅責任感比之前多好多，會覺得呢個人好可靠。」

鮮有公開談論另一半嘅蔣家旻，喺節目大讚老公充滿責任感，同時能給予安全感。
蔣家旻唔鍾意做家務，成為周太之後，佢有親自下廚，最拿手煮生薑豬肉燒同豉油雞翼，更一日吸3次塵：「我係有少少潔癖，好想所有嘢都好整齊，不過都有懶散嘅時候，自己衫又唔係點摺。」

蔣家旻早前為好姊妹岑杏賢慶祝生日，仲有湯洛雯同朱千雪，佢哋仲大曬閨密公仔。
蔣家旻甜絲絲透露家人讚女婿好有責任感：「因為試過一齊去旅行，見到佢安排得好好，唔使長輩點擔心，又睇得出佢好遷就我；我奶奶就覺得我好孝順，會成日返屋企食飯。」蔣家旻坦言生BB好大責任，佢想先過二人世界，等兩年之後先生BB，生完係另一種生活模式，最多生兩個，佢就話如果第一胎係女，之後生唔生都冇所謂。

蔣家旻就話如果第一胎係女，之後生唔生都冇所謂。