吳忻熹抗癌歷程賀「入五」精神飽滿 獲眾多好友及兩女兒慶祝生日幸福甜笑

10月17踏入50歲嘅吳忻熹Nathaliie(前名吳文忻)早前公開癌病復發消息，確診第三期乳癌後，近月正積極展開治療，不時會喺網上分享相關消息鼓勵同路人。除咗接受化療之外，Nathaliie為咗醫病嘗試唔同方式，早前更遠赴泰國接受「免疫細胞療法」，希望將身體內嘅癌細胞消滅，而接受療程後Nathaliie直認有改善，同時有副作用產生，令佢有啲辛苦。

Nathaliie為咗醫病嘗試唔同方式，早前更遠赴泰國接受「免疫細胞療法」。
經過一段時間休養後，見Nathaliie氣息不錯，雖然剃咗光頭，但會貪靚打扮綁頭巾展現另一種魅力。喺生日前席Nathaliie同好友展開連串慶生活動，從片段及相片中見到佢精神奕奕，盡情享受聚會時刻。其中與同路人，去年經歷生死嘅導演Jacky一齊慶祝時，相信令Nathaliie獲得好大鼓勵，Nathaliie仲好有心，明明本來係同佢慶生日，但個蛋糕就寫上Jacky名字，因為佢哋都係十月生日之星，兩人不分彼此一齊吹蠟燭賀壽。

經過一段時間休養後，見Nathaliie氣息不錯，雖然剃咗光頭，但會貪靚打扮綁頭巾展現另一種魅力。
另一個慶祝活動就見到有同樣選港姐出身嘅陸詩韻，Nathaliie帶上一頭金啡色假髮，感覺非常自然。而生日咁重要日子當然要同屋企人一齊啦，Nathaliie獲兩個寶貝女及好友一齊唱生日歌及送吻祝賀，愛心滿瀉，素顏嘅Nathaliie即流露出甜美笑容並留言：「我今日50歲喇﹗」收穫眾多好友及網民祝福。

另一個慶祝活動就見到有同樣選港姐出身嘅陸詩韻，Nathaliie帶上一頭金啡色假髮，感覺非常自然。