高海寧拍賀歲片上演女追男 投訴馬國明遲遲未介紹筍盤

馬國明同高海寧（高Ling）參演由王晶監製、葉念琛執導嘅賀歲片，呢日舉行開鏡儀式，同場仲有陳家樂、陳靜（Dada）、許紹雄、文佐匡（Sean）、林盛斌（Bob）、郭珮文及麥玲玲等，今次高Ling升呢女主角，仲要上演女追男戲份，高Ling笑指現實中唔敢主動求愛，而馬明坦言未試過被女仔倒追。

麥玲玲、郭珮文、陳靜及高海寧等現身新片開鏡儀式。許紹雄

高Ling見證馬明同馬太湯洛雯放閃日常，佢都好羨慕呢對咁恩愛嘅CP，見湯洛雯皮膚靚咗，一睇就知有愛情滋潤，高Ling投訴馬明遲遲未介紹筍盤，馬明就話以高Ling嘅條件可以慢慢揀，唔需要太心急。
高海寧出席新片開鏡儀式。陳家樂同陳靜。高海寧話馬國明唔介紹筍盤畀佢呀！
陳家樂榮升人父後，佢話有少少內疚，皆因BB最難湊嘅頭一個月，佢喺外地開工，返港時阿女已戒咗夜奶，覺得有啲對唔住太太連詩雅，陳家樂更Man爆話努力搵錢養家都係必須。
阿Bob呢個造型咁似「信一」嘅？文佐匡