TVB新節目《呃錢》教觀眾防騙案 蕭正楠同區永權做街訪引起誤會

正所謂騙徒無所不在，為咗提高市民防騙意識，TVB特別推出新節目《呃錢》，四位主持蕭正楠、區永權、李旻芳以及梁敏巧齊齊出席記招。阿蕭話自己都試過收到假冒銀行嘅詐騙電話，好彩自己夠醒目，第一時間求證先可以避過一劫。
四位主持李旻芳、蕭正楠、區永權及梁敏巧。
節目中阿蕭仲會走入社區，同Albert一齊做街訪，街坊見到佢地雖然好開心，但同時亦引起美麗嘅誤會，「佢地以為蕭正楠入咗《東張西望》，話好嘢！」
Albert 同 蕭正楠一齊落區做街訪。
好快就到黃翠如生日，阿蕭就話自己刻意壓縮喺內地嘅工作，預留多啲時間喺香港陪太太過生日，真係好sweet。
梁敏巧及李旻芳分享親友誤墮圈套經驗。
不法之徒最鍾意就係向長者落手，Maggie就分享爸爸險些誤墮圈套嘅經驗，「騙徒聲稱係一個好耐冇見嘅老表，喺內地俾人拉咗，公安話要保釋金，我爸爸爭啲就俾錢。」好彩最後梁爸爸靈機一觸，即刻打比喺內地嘅叔叔求證先免於受騙。