明星足球隊元老拉隊天津表演賽陣容鼎盛 志偉阿倫率洪天明梁漢文等迎接球隊成立40周年

香港明星足球隊噚日（18號）到天津進行表演賽，今次明星隊隊員非常鼎盛，包括有譚詠麟、黃日華、李子雄、何家勁、洪天明、梁漢文及張兆輝等元老隊員外，或許臨近球隊成立40周年，天津之行更加吸引超級元老曾志偉現身。

香港明星足球隊噚日到天津進行表演賽，今次明星隊隊員非常鼎盛。譚詠麟、黃日華、李子雄、何家勁、洪天明、梁漢文及張兆輝等元老隊員落場。
志偉抵天津搖身由TVB總經理化身做球員兼領隊，引薦新血黃庭鋒、孔德賢兩位新力軍加入球隊，歌手龍婷、黃洛妍（Janees）及王玥喺球賽開幕儀式獻唱助興。

天津之行吸引超級元老曾志偉現身！
喺球賽舉行當日上午，全體明星隊隊員到一間小學進行探訪，發送一啲球場裝備畀學生，仲踢咗一場別開生面嘅7人足球賽。各隊員千方百計引導小學生攻入明星隊大門，場面非常開心，明星隊隊員亦寄語學生要更上一層，日後為國足出一分力。

明星隊大部份時間以全藝人落場比賽，最終以2比2和氣收場。
至於晚上面對天津元老隊嘅比賽，明星隊大部份時間以全藝人落場比賽，最終以2比2和氣收場。今次明星隊中場休息嗰陣演唱成為全場焦點，校長譚詠麟「卡拉永遠OK」，近來成為大熱網絡BGM，校長一聲令下，由羅鈞滿、衞志豪、張智軒、伍偉樂又唱又跳新編版本。全隊明星隊隊員伴舞，校長更揮動明星隊隊旗助威，令全場25000歌迷球迷歡呼雀躍，氣氛非常熾熱！

校長譚詠麟「卡拉永遠OK」，近來成為大熱網絡BGM，羅鈞滿、衞志豪、張智軒、伍偉樂又唱又跳新編版本。梁漢文亦有現身比賽，與陳榮峻合照。歌手龍婷、Janees及王玥喺球賽開幕儀式獻唱助興。