張藝興栗子頭現身獲大批粉絲支持 任達華散發成熟型男魅力

男團EXO出身嘅張藝興（LAY）喺內地單飛發展之後，人氣一直高企，呢輪忙於舉行世界巡迴演唱會，張藝興呢日以全白西裝造型出席時尚活動，剪咗超短栗子頭，真係顏值差啲都撐唔起呢個髮型！

張藝興呢日以一頭新髮型現身活動
張藝興進場到受訪期間，fans尖叫聲不絕，張藝興馬上喺廈門舉行演唱會，屆時跟fans見面，同場仲有任達華、韓東君及佟麗婭；任達華散發成熟型男魅力，吸引唔少在場人士歡呼。
一直有型嘅任達華亦係活動嘉賓之一

韓東君則以全黑造型打扮現身，隱約見到佢結實嘅胸肌，韓東君下月將投入新作拍攝，嚟緊仲會參加賽車比賽。