蔡依林參觀酒廠被匠人氣質迷倒 放假旅行意外愛上垂釣樂

台灣天后 蔡依林 早前到訪蘇格蘭參觀一個酒精品牌工廠，呢日佢現身台灣嘅品牌活動時，就大讚當地嘅景色同男士都令自己留低深刻印象，話一眾匠人嘅氣質同專注都令自己非常仰慕咁話。

蔡依林早前應邀到蘇格蘭參觀酒廠
Jolin又指當地美景猶如螢幕中先會出現嘅畫面一樣，令人心曠神怡，非常放鬆。而佢嘅巡迴演出8月雖然已經完結，而新唱片亦投入製作當中，目前已經完成大概一半歌曲，希望可以盡早推出呀。
佢仲話當地氣氛同景色令佢驚為天人

平時鍾意整蛋糕嘅Jolin，早前出埠休息時，意外發展出新興趣，發現釣魚係非常有趣嘅活動，加上喺海上覺得可以非常舒壓，仲推薦大家都可以試吓喎。

早前放假出海嘅佢，仲意外迷上釣魚呢個新興趣