蔡一傑開刀切腦瘤聲線精神 圈中多人曾患同病康復

蔡一傑 公佈患有腦腫瘤亦已接受手術切除，消息令外界大為震撼，根據醫館局等機構嘅資料，腦腫瘤雖並不常見，不過同時非不治之症，香港每年約有1000宗新症，病徵包括癲癇 、 頭痛、性格轉變、肢體運動出現障礙或痲痺等，而過往唔少圈中人都曾有相關病歷。

蔡一傑公開手術後嘅頭部傷口，可以話矚目驚心
TVB藝人 劉家聰 2018年發現腦部有6cm腫瘤，年前佢曾於《全城一叮》分享抗病同康復嘅漫長歷程，贏得滿場掌聲。傳奇人物 陳惠敏 已年近80歲，年前佢曾中風兼公開有肺癌，後來接受資深傳媒人 汪曼玲 訪問時，更爆出曾有腦腫瘤，當時佢因暈倒就醫，經檢查後發現腦內有豆大腫瘤，後來經一年多治療後逐漸康復。
劉家聰年前亦公開自己患有腦瘤，早前佢喺節目曾分享康復過程

陳慧敏受訪時曾公開自己發現腦瘤同治療經過

「棒棒堂」42歲成員阿本去年初因劇烈頭病接受檢查，竟發現腦部有動脈瘤，醫生更指係動脈生長異常所致，不過就唔需要特別治療，但係就要保持生活輕鬆開朗。至於 扮演「包青天」深入民心嘅台灣藝人 金超群 2016年時發現左腦有5cm大腫瘤，當時令佢說話同日常行動都受到影響，之後佢開刀接受手術，亦逐步淡出幕前演出。
棒棒堂成員阿本因劇烈頭痛而發現腦部出現問題

包大人金超群亦曾開刀切除腦腫瘤

同樣來自台灣嘅模特兒出身女星 陳筱蕾 ，2018年發現腦瘤並開刀治療，到2021年腫瘤再度復發，陳筱蕾曾透露第二次治療後狀況不俗，但因放射治療後引發腦水腫，壓迫到腦神經，會出現頭暈、耳鳴，甚至行路都會跌倒，近日佢再接受年度檢查，透露身體情況逐步改善。

陳筱蕾腦內兩度出現腫瘤，日前年度檢查結果良好
可惜過往仍有幾位藝人因腦腫瘤離世，好似曾拍攝《英雄本色II》、《A計畫續集》等多部港產電影，更曾同李小龍之子 李國豪 合演《龍在江湖》嘅嘅8、90年代女星 簡慧真 ，97年發現腦腫瘤，雖經手術治療，惟99年因癌症復發去世，終年僅31歲。而曾拍攝知名劇集《鬼怪－孤單又燦爛的神》、BTS《With Seoul》MV 嘅韓國年輕女演員 高秀貞 ，2020年初亦因腦癌去世，得齡僅25歲。

女影星簡慧真99年因為腦癌離世

韓國年輕女演員高秀貞離世時僅得25歲