直播靈接觸丨梁思浩預告邀請久未露面嘉賓 自爆時辰八字被攝製隊拿去問卦

梁思浩、黃紫恩 同 黃耀英 主持嘅《直播靈接觸》贏盡口碑收視，10月21號晚9點半再喺82台TVB Plus將Live播放新一季，三位主持聯同黑白無常 黃瀅仴 同 湯之欣 喺錄影廠進行開工拜神儀式。

梁思浩主理嘅《直播靈接觸》星期一再次播出
思浩發覺觀眾都鍾意見到熟悉而久未喺TVB露面嘅藝人，所以第一個禮拜佢會邀請到陳雅倫，仲有錢小豪，另外仲有位息影咗20年嘅電影女明星，今次應佢邀請專登喺加拿大返港三日上節目做嘉賓。
思浩仲話已經搵一位息影多年嘅特別嘉賓同大家分享

JoJo就跟隨兩隊拍攝團隊去到台灣及韓國，拍攝當地女巫等平日不會受訪地點，JoJo仲話期待遇到靈異事，思浩又大爆攝製隊出發前，拎咗佢嘅時辰八字去當地問卦，但內容問到乜都未知，話播出街時同觀眾一齊睇。
JoJo同耀英繼續同村長合作分享靈異故事

瀅仴同之欣會繼續擔任黑白無常，喺直播節目中擔任小編角色同網民觀眾互動，仲會大派福利，而佢哋亦以全新造型見觀眾。

「黑白無常」黃瀅仴同湯之欣亦會繼續登場