李樂詩自身經歷籲關注乳健資訊 朱千雪產後首現身活動支持

慈善籌款活動「乳健同行2024」日前舉行，一眾演藝人同歌手齊齊現身支持，好似 李樂詩 廖碧兒 朱千雪 龔慈恩同囡囡 林愷鈴 泳兒 力臻 等，同近2千位健兒帶同寵物參與，期望喚起大眾關注乳癌嘅威脅。

一班藝人日前參與「乳建同行」呼籲關注乳癌嘅威脅
香港乳癌基金會大使 李樂詩 早前抽空為活動拍攝宣傳片，佢喺台上提及自己曾罹患乳癌，所以希望以自身經歷，呼籲更多人關注乳健資訊，又要定期接受乳健檢查。

李樂詩以乳癌基金會大使身份拍攝宣傳片，又分享過往患癌經歷

呢日亦係朱千雪升任媽咪後首次參與公開活動

而泳兒就指，見到近二千人共聚山頂推廣乳健資訊，場面令人感動。至於已經連續19年以基金會大使身份出席活動嘅廖碧兒就話：「每年無論身處邊到，我都一定特登飛返嚟出席，今年已經第19年，下年係20周年紀念，到時一定出席。」而朱千雪更係產後首次現身公開活動支持。

廖碧兒更係連續第19年參與