巾幗梟雄之懸崖｜花絮－ 黎耀祥帶領參觀劇中醫廬 佈景細節反映角色背景

第四度演出《巾幗》系列嘅 黎耀祥 ，今次喺台慶劇《巾幗梟雄之懸崖》中，以全新角色同背景，呈現亂世風雲人物故事。呢次祥仔再唔係市井之徒，反而扮演一名知識份子「柴十七」，出身自名醫世家嘅佢，由清朝到民初三代都行醫，劇組為柴十七打造嘅家居場景亦暗藏唔少細節反映呢個角色嘅背景。

再次參演《巾幗》嘅黎耀祥，今次扮演一名金融才俊
柴十七住喺爺爺傳落嚟嘅宅邸，二樓係臥室，放滿好多書，代表柴十七博學多才，而地下就係家族經營嘅醫廬，入面設備齊全極有規模，又有推拿同針灸房。顯示柴十七嘅爸爸柴民意精通各項醫術。
無心集醫嘅佢，決定追隨七爺發展財金事業

祥仔透露因為角色爸爸係一位神醫，所以劇中各路人馬都會俾佢幾分薄面，但因為柴十七對醫學毫無興趣，反而係一位金融奇才，更自稱係初代金融才俊，決心喺銀行界大展拳腳，所以投靠咗好有財力既老闆；由胡定欣飾演七爺。