伍仲衡處男下海拍劇 《特勤女團》演Mean爆評審 公開自薦求古裝劇演太監

平時最注重穿透力嘅 伍仲衡 ，近日跳出評審位置，日前喺社交平台透露，自己處男下海首度拍劇，仲有同《愛．回家》演員一齊喺TVB飯堂打卡，又同 鍾柔美 拍跳舞片，不過就未有透露拍咩劇。

伍Sir因為一張開飯合照，被認為參與《愛．回家》演出

伍Sir呢日唔係錄《中聲3》，而係客串劇集《特勤女團》
呢日小編就為大家開估，其實伍Si係r為Yumi有份演出嘅《特勤女團》客串，劇中仲係做返最拿手嘅評判，幕後人員亦要求佢以本色出演，做一個Mean爆評審。亦因為做自己，所以伍Sir亦認為演戲冇咩難度，但係驚覺拍劇等待時間超出預期，佢就趁等轉換機位嘅時間﹐觀摩其他老手演員嘅演技學嘢咁話喇。
呢次客串之後似乎令伍Sir演戲興趣出晒嚟

而伍Sir亦表示對拍劇非常有興趣，仲公開呼籲可以搵佢拍吓古裝，無論係演皇帝定係太監佢都一樣歡迎。
糖妹呢日亦有參與客串，仲大讚陳瀅舞姿

另外客串演出評判嘅仲有 糖妹 黃山怡，佢大讚好姊妹 陳瀅 舞藝進步神速，見到好姊妹拍攝跳舞場口，佢都忍唔住大叫讚佢跳得好。因為糖妹同陳瀅都係10月壽星，生日相差幾日，所以佢哋都期待一齊慶祝。

陳瀅嘅表現獲老友糖妹大讚