StarTalk｜區氏兄妹首次舞台合體 慈善騷超低票價惠社群

區瑞強 成為民歌王子幾十年好多人知，而佢細佬 區瑞明 早前參加《中年好聲音3》海選亦都有唔少人知，而妹妹 區桂芬 更係當年知名歌曲《問》嘅原唱，呢日幾兄妹齊齊現身《StarTalk》接受 詹可琳 專訪。

區瑞強難得同妹妹區桂芬、細佬區瑞明一齊受訪
好快佢哋就會首次同心合作一齊開騷，Albert就話自己一向重視親情，今次兄妹一齊開騷就更可以突顯呢個關係，再加上仲有大班老友都會一齊演出，相信到時一定非常熱鬧喇。Albert仲提到全家都非常有音樂天份，隨時三代同堂演出都冇問題呀。
Albert指今次演出希望令基層家庭都可以享受睇騷機會

入行已經足足50年嘅Albert，雖然初入行時係玩票性質，到後來唱到今時今日，但係原來一切都係由佢哥哥一樣愛音樂而熏陶，當時自學結他唱歌嘅佢，由學校活動慢慢一直就唱到唔同舞台同演出。區瑞芬同樣當年參加比賽入行，當時Albert仲有份任評判，結果更要退席避嫌。
區桂芬係經典歌《問》嘅原唱歌手

今次演出全為慈善之外，門票更以極低票價開售，希望更多基層市民可以參予欣賞，Albert更指呢個方式係要多謝一班慷慨嘅老友支持呀。
Alvin早前低調參加《中聲3》，不過好快就被家人發現

早前Alvin參加《中聲3》海選，原來事先未有告知哥哥，豈料好快就被傳媒報道，令消息迅即通天。原來為佢報名嘅係寶貝女，直至入圍100強後，Albert先由朋友口中得知，仲大力支持話玩吓圓心願非常好呀。
Albert話到式演出隨時可以區家三代同「台」咁話

Alvin仲話參加過之後唔再怕踏上舞台，Albert亦大讚Alvin嘅參加表演，仲話自己如果在場評審，一樣會認可俾佢入圍咁話。