LISA亞洲巡迴會粉絲 下月襲港開個人見面會

韓國女子天團BLACKPINK成員LISA嘅亞洲巡迴粉絲見面會香港站即將喺11月舉行，呢次更係LISA首次以個人身份喺香港開見面會，所以為粉絲設嘅福利都特別豐富。包括： SEND-OFF(VIP限量2000名)、VIP吊牌及掛繩、簽名海報(限量50名)、進入VIP專屬的紅毯區、專屬明信片(全場觀眾)。

Lisa下月就會首次以個人身份來港同Fans見面
除香港外，LISA亦會去 新加坡、曼谷、雅加達、高雄同當地粉絲見面，消息一出即引爆粉絲期待。 LISA今年成立個人公司LLOUD後，更跨界踏入公仔箱演出美國喜劇《白蓮花大飯店》。同時，曾經勇奪多項金氏世界紀錄嘅佢亦係首位獲得MTV音樂錄音樂大獎、歐洲音樂獎「最佳韓國流行歌手」獎嘅韓國女歌手，更憑單曲《MONEY》成為首位喺一個音樂串流平台播放量突破 10 億次嘅歌手。 

作個人發展後LISA魅力有爭無減

LISA作為BLACKPINK主唱及rapper，個人音樂極具潮流色彩，作品喺全球同樣備受矚目及關注。早前LISA就喺全球公民節演出中，首度演唱新歌《Moonlit Floor》。而今年9月，LISA更延續自己紀錄成績，再度成為第一位、亦係唯一一位喺 MTV音樂錄影帶大獎 (VMA) 上贏得「最佳韓國流行藝人」獎嘅韓國流行音樂女藝人。呢次係LISA繼2022 年 MTV音樂錄影帶大獎兩年後，再次回歸VMA，以實力展現佢嘅音樂才華。