黃耀明多倫多站演唱會 彭羚驚喜上台與觀眾見面

現時喺多倫多居住、好耐冇喺公開場合露面嘅彭羚Cass，日前就去咗睇黃耀明喺多倫多站嘅演唱會。着住運動裝、素顏到場嘅Cass，唔只喺後台同明哥合照聚舊，佢仲畀明哥拉咗上台同觀眾見面，令在場觀眾相當驚喜。

彭羚去咗睇明哥多倫多站演唱會。彭羚仲被明哥邀請上台。
被邀請上台嘅Cass帶住少少羞澀同大家揮手打招呼，明哥同佢擁抱過後，就話：「我唔逼你唱歌，但係都要見下人㗎嘛。」而Cass就話明哥從來都冇逼過自己，而呢日可以同對方見面，佢都覺得好開心。台下觀眾一輪歡呼聲後，Cass就接過明哥手上嘅咪，問觀眾覺得明哥呢日嘅表現點？然後又指明哥嘅狀態好到不得了。
二人於後台抱抱。

近年Cass專注於Gyrotonic 禪柔運動，不過明哥就話其實Cass係可以唔使去教呢啲：「應該去教唱歌，呢個人咁識唱歌，應該係歌唱老師先啱。」而Cass就話教咩都好，可以同人分享自己鍾意嘅嘢係一件好幸福嘅事。
明哥話他鄉遇故知嘅感覺相當好。
雖然台下觀眾不停叫Cass唱歌，不過明哥就冇逼對方，仲話因為Cass嘅家人都在場，所以要將佢交返畀佢嘅家人，同時多謝Cass肯上台同大家見面呀。
Cass近年專注於Gyrotonic 禪柔運動。Cass近年專注於Gyrotonic 禪柔運動。Cass近年專注於Gyrotonic 禪柔運動。