古淖文代表TVB出席音樂節 欣賞伊斯坦堡對寵物友善氛圍

古淖文German早前代表TVB去到土耳其嘅伊斯坦堡，參加ABU亞太廣播聯盟音樂節2024，分別為音樂節嘅酒會與演唱會演出，表現相當從容嘅German，原來已經係第三次參加呢個年度音樂節喇！
古淖文早前代表TVB參加ABU亞太廣播聯盟音樂節2023。
German話自己頭兩次都係代表澳門參加，而今次就可以以澳門人嘅身份代表TVB出席，所以覺得相當特別同榮幸呀。首次去到伊斯坦堡嘅German，話因為當地嘅建築物都較矮，所以好稍為抬頭就可以見到藍天白雲，加上當地有好多歷史悠久嘅寺廟，令佢覺得相當靚，German又指佢發現喺伊斯坦堡，都總會有一間甜品店喺左近，佢笑言懷疑當地人個個都係甜品控呀。
古淖文話好開心可以代表TVB出席。
除咗建築物同美食外，German指當地人對遊客都相當nice，而令佢最印象深刻嘅係，當地人地對寵物都非常友善，即使浪浪走入店舖，佢哋都會由得毛孩們stay一日呀。
German趁空閑時間喺伊斯坦堡閒逛。German趁空閑時間喺伊斯坦堡閒逛。