張鈞甯演而優轉任新片出品人 夥年青演員拍新片喜旗下新人得獎

台灣靚女演員 張鈞甯 做老闆投資嘅新片，呢日喺台北舉行首映記者會 ，張老闆同幾位新演員郭品希、楊卓叡 同 邵奕玫 仲有導演一齊現身，早前突然傳出同大馬導演柯汶利嘅婚訊，呢日佢就回應指暫時未有計劃，打算先集中喺工作繼續發展事業先咁話。

張鈞甯近日被傳出同大馬導演好事近
而佢旗下女藝人 詹子萱 喺早前舉行嘅金鐘獎勇奪迷你劇嘅最佳新人獎，呢日佢話入圍已經係非常大肯定，估唔到最後得獎，所以就更加開心興奮喇。除咗身為出品人之外，鈞甯亦參與扮演一名輔導老師，幾位新人就有更大壓力，郭品希就指做足功課先上陣演出，鈞甯仲踢爆佢係睇Youtube練喊戲，非常搞笑。

鈞甯今次既係出品人亦會扮演一名輔導老師

入行多年嘅張鈞甯作品無數，如今仲成為出品人，但係原來佢當年未諗過自己會有咁展遠發展，仲認為自己拍完一次戲就會引退，點知一直就演到而家，對演出愛意更加係一發不可收拾呀。

呢日未正面回應婚訊