詹天文參加校內歌唱比賽勇勝三連霸 再成宣傳委員與體育班長

詹天文 9月到廣州升讀音樂專門大學，亦已逐漸融入全新校園生活，參加過唔少比賽，經驗豐富嘅Windy，日前仲參加學校嘅英文歌曲比賽，初賽更獲得全場最高分，順利晉身決賽。據指呢個歌唱比賽，係由學校一到四年班嘅同學混合參賽！Windy嘅參賽歌係David Guetta嘅《Titanium》，以全場最高93分喺初賽成績位列第一，擊敗同場嘅三連冠師姐晉級，非常厲害，而今屆決賽會喺11月7號舉行！

Windy新學年到廣州升讀音樂專門大學
Windy自開學後就不時粵港兩邊走，同時要應付學業同工作嘅Windy，早前仲指已積極籌備新單曲，而Windy同時也積極參與校內事務， 被學校以及同學選為大學宣傳部委員，又被選為體育堂班長，認真叻女。 另外，Windy日前亦喺社交平台公開同獨立唱作人Goo Chan嘅手勢舞片段，唔少歌迷睇完都敲碗希望佢哋會有合作咁話。

早前分享過唔少準備開學嘅心情