TVB資深演員李麗麗癌逝終年74歲 曾將成龍一腳踢飛

有「第一代武打女星」之稱嘅資深演員 李麗麗 傳出離世消息，資深傳媒人 汪曼玲 指收到好友通知，李麗麗星期日因癌症離世，終年74歲。

曾效力TVB多年嘅首代打女李麗麗病逝
李麗麗於11歲就虛報年齡考入邵氏演員訓練班，16歲先正式畢業加入邵氏，喺影圈打滾14年，以打女開始打出名堂，當年仲同成龍合作演出《師弟出馬》，將佢一腳踢飛，身手非常厲害。
李麗麗早於11歲就投身演藝事業(汪曼玲提供圖片)

當年仲將武打新星成龍一腳踢開

李麗麗同邵氏約滿後曾轉投佳藝電視及麗的電視，其後加入TVB效力32年。李麗麗參演逾百部劇集，好似 《蓋世豪俠》中飾演李嬌，《笑傲江湖》、《天龍八部》、《金牌冰人》、《金枝慾孽》系列及《宮心計》飾演太皇太后近身徐媽媽等，角色均讓觀眾印象深刻。
後來佢轉投電視業，拍過多部唔同劇集

演出角色可以話多不勝數

不論古裝時裝都可以見到佢身影

2020年初，入行超過半世紀嘅李麗麗低調自TVB退休，《法證先鋒IV》為佢告別作品，當時佢接受傳媒訪問，曾透露因「年紀大」、「有啲唔舒服」簡短解釋退休原因。據佢身前好友指，佢兩年前因身體不適，經檢查後發現肺部有陰影，不過未有特別注意。到一個月前因唔舒服需入院，唯已發現肺部同腦部都存有癌細胞，經過治療後惜藥石無靈離世。
佢直到2020年時低調退休，曾指身體唔舒服

李麗麗早年曾與邵氏小生姜大衞傳過緋聞，其後又與一位圈外男友人傳出緋聞，李麗麗單身多年，認為女人未必要婚姻，更全力醉心演藝事業，無刻意尋找伴侶。

早年佢曾同姜大衞傳出緋聞，後來一直醉心事業