譚嘉儀開騷手寫心意卡打動Sammi 與偶像同台合唱自肥合照再簽名

近日喺演藝學院舉行3場音樂會嘅 譚嘉儀 ，尾場嘉賓邀請到天后 鄭秀文 任嘉賓，令全場觀眾都非常驚喜，而嘉儀本人對可以同偶像同台合唱一樣感覺夢幻，Sammi仲指係被嘉儀嘅親手製作心意卡打動而應承演出呀。

Sammi話係因為嘉儀超有誠意嘅心意卡打動自己
Sammi亦驚見嘉儀年紀輕輕已經模仿自己，認為佢係真正多年Fans，加上心意卡中嘅親筆信而深受感動，所以就應承演出。而嘉儀亦提到完全冇諗過呢次邀請竟然會成真，仲將收到Sammi回覆演出時自己嘅極度興奮狀態公開，非常搞笑。
嘉儀就趁機兒肥合照又求簽名喇

合唱之餘，嘉儀仲做足所有Fans都夢想嘅事，攞簽名同Selfie儲齊全套，事後佢受訪時仲話，一收到Sammi應承做嘉賓，自己喺街頭開心到即場落淚，同場時其實非常緊張，仲好多謝對方鼓勵呀。Fit爆嘅譚嘉儀，為今次演出瘋狂Keep Fit，呢日家人亦都到現場支持欣賞。

今次三場音樂會順利完成