許恩怡廖子妤現身東京電影節 為入圍競賽單元電影造勢

嚟自世界各地嘅電影人同演員都忙於出席喺日本東京舉行嘅「第37屆東京國際電影節」，許恩怡（Natalie）同廖子妤（Fish）亦同導演張吉安為主演嘅電影《搖籃凡世》現身當地，並為電影入圍「亞洲未來」競賽單元造勢兼主持10月30號舉行嘅世界首映及分享座談會。

許恩怡同廖子妤亦同導演張吉安為主演嘅電影《搖籃凡世》現身東京國際電影節。
首映禮後觀眾反應非常熱烈，紛紛向導演同演員們提問，首次喺銀幕睇到正片嘅Natalie話：「一年前拍攝嘅時候，已經覺得自己好了解個角色，今次第一次坐喺戲院、以觀眾嘅角度去睇成套戲，加埋剪接、音樂、調色等等，就覺得自己對故事講嘅一啲社會問題有再探入啲嘅了解，團隊真係好勁，Fish好犀利！每一個群演都好厲害！」第三年參加東京電影節嘅Natalie覺得同劇組出席電影節，感覺好似喺學校出面見到你老師，大家都打扮得好靚，同拍攝期間見到嘅大家完全唔同，成件事好完美。

佢哋為電影入圍「亞洲未來」競賽單元造勢，兼主持分享座談會。
Fish睇過電影後表示呢部電影對自己嘅意義非常重大，因為呢部電影係佢相隔12年再次返到馬來西亞，演返馬來西亞人嘅一部電影，除此之外佢仲係一部港、馬合作嘅一部電影，香港同馬來西亞呢兩個地方都係佢嘅屋企，所以好期待除咗喺馬來西亞之外，都將呢部電影帶到去其他地方，讓大家一睹馬來西亞嘅文化。Fish又話因為呢部戲佢多咗Natalie呢個好朋友，佢形容兩人係忘年之交，因為自己大Natalie10幾年，雖然對方成日癲癲得得，但其實亦係好成熟嘅一個女仔。

Fish睇過電影後表示呢部電影對自己嘅意義非常重大，因為呢部電影係佢相隔12年再次返到馬來西亞。