木村拓哉再因失言惹爭議 被指用錯字眼悼念前輩西田敏行

日本男神木村拓哉出道37年，演出作品無數，而佢同本月17號被發現猝逝嘅老戲骨西田敏行更多次合作。而木村近日喺個人電台節目透露，當佢收到西田死訊時震驚得成個人都無法反應，亦感謝對方喺過往合作中對自己嘅照顧。木村就因為講咗一句「希望你在彩虹橋另一邊過得好，享受音樂與美酒」而被炮轟失禮。

木村就因為講咗一句「希望你在彩虹橋另一邊過得好，享受音樂與美酒」而被炮轟失禮。
因為「彩虹橋」呢組詞彙主要係應用「寵物離世」後嘅情境，更有人搵出參考書籍佐證，證明「Rainbow Bridge」係飼主對死去愛寵嘅祝福，木村唔應該亂用字眼悼念尊敬嘅前輩。 

因為「彩虹橋」呢組詞彙主要係應用「寵物離世」後嘅情境，更有人搵出參考書籍佐證。

其實木村並非首次因失言成為爭議，去年Johnny’s事務所已故創辦人Johnny喜多川因生前性侵風波造成極大風波，旗下藝人工作亦紛紛受到影響。作為大前輩級嘅木村喺社交平台引用Johnny名句「show must go on」發文，更加上敬禮Emoji，事件令木村被網民鬧爆。木村又曾經將「Mother」寫成「Mather」、將「Love Scene」寫成「Love Seans」，加上呢次悼念西田敏行時用錯字眼，令佢再被日本傳媒形容為「沒有受過教育的木村」。