陳友解釋鍾鎮濤連環跌原因 笑指溫拿巡演變「撻成一塊」

陳友、黎瑞恩（小恩子）及張武孝（大AL）呢日齊集為12月舉行嘅音樂劇進行綵排，早前溫拿喺廣州巡演時發生意外，阿B鍾鎮濤於演唱嗰陣不慎連跌兩次，陳友就報平安之餘，仲笑指溫拿變「撻成一塊」。
黎瑞恩（小恩子）、陳友及張武孝呢日為下月嘅音樂劇綵排。
陳友指跌倒嗰時都擔心扭傷腰骨，影響音樂劇開唔到工，幸好睇完醫生並無大礙，解釋連環跌倒原因係當時佢同阿倫扶起跌倒嘅阿B，「阿強」葉智強卻跣住埋嚟將陳友鏟跌，陳友連同阿B一齊仆落地，好在連跌兩次嘅阿B都唔係好傷。
陳友解釋阿B跌倒原因。
此外，呢次音樂劇以陳友同太太嘅故事作為藍本改編，雖然呢日係陳友同小恩子第二次同樂隊排練，大家都默契十足，小恩子亦逐漸愛上劇本，陳友亦大讚小恩子歌聲讓人好感動。
小恩子表示自己逐漸愛上劇本。