獨家丨黃奕斌以全新駁髮跳唱造型 首次上陣為新歌拍攝MV

Hugo黃奕斌推出第二首單曲作品《LIT》， 日前佢就返到電視城嘅古裝街同民初街為新歌拍攝MV，雖然係第二首歌，其實係佢首次拍攝MV，所以佢事前做足功夫，仲同排舞師要求將舞蹈難度加深，務求展現跳舞功架。

Hugo黃奕斌推出第二首單曲作品《LIT》。Hugo呢日喺電視城拍攝MV。
新歌風格走Rap路線，音樂節拍感強勁，Hugo為咗令大家加深印象，喺造型上花盡心思，Hugo仲做駁髮，畀人一種耳目一新感覺，而MV中更轉換多個服飾造型。講到新歌歌名，佢就解釋LIT係Rapper界用詞，意解好正感覺，佢希望令歌迷聽到新歌後都有呢種感覺。
MV喺古裝同民初街拍攝。Hugo喺造型上花盡心思。