張玉珊踏入50歲生日前衝上雲霄 曬背心飛行裝束型格十足

張玉珊（Shirley）淡出幕前轉型從商逾20年，多年嚟保養得宜，11月8號就踏入50歲，張玉珊噚日喺社交平台貼出省鏡近照，無論顏值及身材都相當高，見佢提早分享送畀自己嘅禮物，就係剛參加航空法考試，準備考「私人飛行執照（簡稱PPL）」，享受衝上雲霄，喺空中翱翔嘅自由快感。

張玉珊噚日喺社交平台貼出省鏡近照，通過咗航空法考試。
相中見張玉珊孭住價值十幾萬嘅Hermès Kelly Moove手袋，拎資料喺民航處出沒，跟住另一張相見佢換上背心款飛行裝束拎住耳機，喺直昇機前擺甫士，型格十足，張玉珊話考牌係毅力及挑戰自己，通過咗航空法考試，對於佢呢種缺乏天賦嘅人嚟講，只能努力、努力、再努力！呢個就係唯一嘅辦法，之後張玉珊又打tag表示「第三個牌嘅開始」。

張玉珊換上背心款飛行裝束拎住耳機，喺直昇機前擺甫士，型格十足。
張玉珊確係愛情事業兩得意，早年轉戰商界，有傳佢嘅身家已逾3億，去年7月又大方認愛廖碧兒舊愛、富商盧啟賢（Calvin Lo），二人不時結伴現身朋友聚會，感情穩定。

張玉珊淡出幕前轉型從商逾20年，仍不時與圈中人保持聯絡。

張玉珊去年7月又大方認愛廖碧兒舊愛、富商盧啟賢。張玉珊同男友盧啟賢不時結伴現身朋友聚會，感情穩定！