黃洛妍首辦迷你音樂會暗黑伴奏 翻唱歌手經典作品玩出另類風格

TVB歌唱節目《聲夢傳奇2》出身嘅 黃洛妍 平日經常為好友開騷做嘉賓，呢日終於輪到佢首次舉辦小型音樂會，佢特別揀選咗一個較細嘅場地演出，令歌迷可以近距離欣賞到佢嘅動聽歌聲。

黃洛妍嘅首次個人音樂會正式舉行
Janees指音樂會特別設有《一千零一夜》主題，隨住主題中故事精心挑選歌曲，而佢翻唱嘅曲目全部都係男性主唱，所以特意搵嚟女樂手班底，唯獨一位好朋友結他手係男性。Janees喺音樂會上隨咗唱歌展靚聲之外，更表現佢最拿手嘅小提琴伴奏。
唱歌之餘Janees亦大騷佢招牌琴技

一齊參加聲夢嘅戰友 趙小婷 同高層 樂易玲 都有現身支持Janees，雖然今次開騷時間唔算好長，但對Janees嚟講係個好好體驗，佢希望可以逐步邁向大場館演出，明年正式錄製歌曲嘅同時，亦定下呢個目標，屆時就可以盡情邀請身邊好友出席。

佢仲話有呢次經驗後，下次會到更大場館演出