佘詩曼吻賀鍾麗淇48歲生日 姚樂怡遭壽星女整蠱嚇至花容失色

佘詩曼、湯盈盈、梁靖琪（Toby）、鍾麗淇、姚樂怡、周家蔚及文頌嫻組成 「七魔女」，姊妹感情深厚，鍾麗淇雖然淡出幕前，轉做瑜伽教練多年，仍不時出席圈中好友聚會，噚日七魔女終於齊人，眾人悉心打扮，為壽星女鍾麗淇慶祝48歲生日，好姊妹姚樂怡更被整蠱畫花塊面！

佘詩曼、湯盈盈、梁靖琪（Toby）、鍾麗淇、姚樂怡、周家蔚及文頌嫻組成 「七魔女」，姊妹感情深厚。
阿佘噚日喺社交平台貼出合照，其中一張相見佢吻賀壽星女，一齊玩樂一齊分享美食，共度美好甜蜜時光，阿佘笑指又係一個充滿笑聲嘅晚上，而 「七魔女」合照時，見姚樂怡滿面忌廉，壽星女鍾麗淇忍唔住掩面大笑，原來鍾麗淇喺大合照嗰陣先係靜靜雞用手指沾上蛋糕cream，之後佢好快「出擊」塗喺姚樂怡個鼻同面，姚樂怡頓時嚇至花容失色，湯盈盈更伸手捽姚樂怡面上嘅cream，為呢次生日聚會增添不少歡樂氣氛。

噚日七魔女終於齊人，眾人悉心打扮，為壽星女鍾麗淇慶祝48歲生日。
壽星女鍾麗淇亦喺社交平台貼出合照，指相信自己係一個值得接受所有愛、歡笑同善意嘅人，一直以順其自然為座右銘，用心去引領生活，皆因佢有無條件愛佢嘅家人同朋友，鍾麗淇好感謝大家讓佢嘅生活充滿歡笑，讓佢嘅生活變得美麗。

眾人一齊玩樂一齊分享美食，共度美好甜蜜時光。壽星女鍾麗淇好開心有一班無條件愛佢嘅家人同朋友，鍾麗淇好感謝大家讓佢嘅生活充滿歡笑。鍾麗淇於2010年與中意混血男友Nardone Ruggero結婚，婚後育有兩女。鍾麗淇喺大合照嗰陣先係靜靜雞用手指沾上蛋糕cream，之後佢好快「出擊」塗喺姚樂怡個鼻同面。