莊錠欣台北開騷獻唱On Call主題曲 獲閨密周子瑜低調捧場

香港童星出身嘅Elkie（莊錠欣），離開咗韓團CLC後轉戰台灣發展，而喺26歲生日當日，Elkie就喺台北舉行個人演唱會同粉絲們見面慶祝，好朋友TWICE成員周子瑜唔只送上花籃，更低調同周媽媽一齊睇Show！Elkie精心預備歌單，唱韓文歌，仲有廣東歌。
莊錠欣於台北舉行個人演唱會。莊錠欣獻唱《On Call 36小時 II》嘅主題曲《續集》。
Elkie解構每首歌背後意義，童星出身嘅佢特別選唱自己有份演出嘅TVB劇集主題曲，獻唱《On Call 36小時 II》嘅主題曲《續集》。Elkie有選唱偶像泰妍嘅《四季》，同可以完美唱完《I Dream》，令佢覺得最有滿足感，是關呢首係佢首隻自創單曲，歌曲滿載佢追夢嘅歷練，每次演唱到中段，佢都忍唔住感觸爆喊，呢次終於可以懷著開心嘅心情唱完成首歌。
好朋友TWICE成員周子瑜唔只送上花籃。
子瑜仲低調到場支持。